Үреэл

#үреэл
Буянтнай булаг мэтэ дэлгэржэ, 
Хайратнай адис - аршаан боложо, 
Һүн сагаан эдеэнтнай 
Хүнэг һабаартнай дүүрэжэ. 
Тоһон сагаан эдеэнтнай
Торхо абдараартнай дүүрэжэ,
Табан хушуу малтнай
Тала, губииетнай бүрхөөжэ,
Хотоноороо дүүрэн малтай боложо,
Хоймороороо дүүрэн үхибүүдтэй
боложо,
Хойгуураа гараһан хүниие хонуулжа,
Урдуураа гараһан хүниие ундалуулжа,
Бии бэлигтэй, дүүрэн хэшэгтэй,
Үндэр наһа наһалжа,
Удаан жаргал эдлэжэ,
Үнэр баян һуухатнай болтогой!